၂၀၁၉ခုနှစ် ဇွန်လ(၂/၃)ရက် တိုက်ပွဲသတင်းများ

၂၀၁၉ ခုနှစ်၊ ဇွန်လ(၂)ရက်(တနင်္ဂနွေနေ့)တွင်ဖြစ်ပွားခဲ့သောရခိုင်ပြည်တိုက်ပွဲ၊နောက်ဆက်တွဲသတင်းများ နှင့်သိမ်းဆည်းရမိခဲ့သောတပ်မ(၅၅)လက်အောက်ခံ၊ကလောမြို့အခြေစိုက်၊ခလရ(၃)၏လက်နက်ခဲယမ်းများ၊ စစ်အသုံးအဆောင်ပစ္စည်းများနှင့်ရန်သူ့အလောင်းများ၂၀၁၉ ခုနှစ်၊ဇွန်လ(၂) ရက်နေ့၊ နေ့လည်(၂) နာရီခန့်မှစတင်ပြီးမင်းပြားမြို့နယ်"ရွှေတမာရွာ"နှင့်"အောင်တိုင်ရွာ"အကြားတွင်ခလရ(၃)(ကလောမြို့အခြေစိုက်တပ်ရင်း)အားရက္ခိုင့်တပ်တော်၊ကွန်မန်ဒိုများ၏ထိုးစစ်နှင့်ချေမှုန်းရေးတိုက်ပွဲအတွင်း၌ရန်သူ့ထံမှကျဆုံးအလောင်းအချို့နှင့် လက်နက်ခဲယမ်းများ၊ စစ်အသုံးအဆောင်ပစ္စည်းအချို့ကိုထပ်မံသိမ်းဆည်းရမိခဲ့သည်။

အစောပိုင်းသိမ်းဆည်းရမိသော လက်နက်ငယ်တစ်ခုတွင် (၄၁၇) ဟုပါရှိသောကြောင့်မြန်မာ့တပ်မတော်၏ တပ်မ(၉၉)ကွပ်ကဲမှုအောက်၊"ယင်းတော်"အခြေစိုက်၊ခမရ(၄၁၇)နှင့်တိုက်ပွဲဖြစ်ပွားသည်ဟုယူဆခဲ့သော်လည်း နောက်ပိုင်းသိမ်းဆည်းရမိသောပစ္စည်းများမှာတပ်မ(၅၅)ကွပ်ကဲမှုအောက်၊ကလောအခြေစိုက်၊ခလရ(၃) ၏ လက်နက်ခဲယမ်းများ၊ စစ်အသုံးအဆောင်ပစ္စည်းများ၊ ဖြစ်နေသည်ကိုတွေ့ရှိရသည်။

ထို့အပြင်(၅၄၀)အမည်ပါစာအုပ်တစ်အုပ်၊ဗိုလ်ကြီးကျော်ဇင်ထွန်း(ကြည်း၅၉၄၂၆)နှင့်ဗိ်ုလ်ဟိန်းမင်းထက်(ကြည်း၇၂၁၄၃)ဟုရေးသားထားသောစာအုပ်အချို့ကိုလည်းသိမ်းဆည်းရမိခဲ့သည်။သိမ်းဆည်းရမိသောပစ္စည်းများမှာ-

(၁) MG-42 (ငါးကြင်းမြီး) - (၁) လက်၊ ကျည်တွဲ(၃) ခုနှင့် ၎င်း၏ကျည်ဆံ (၉၃၀) တောင့်၊

(၂) MA- 1 (၂) လက်

(၃) MA- 2 (၁)လက်

(၄) MA- 3 (၇) လက်

(၅) MA- 4 (၁) လက်

(၆) 81 MM ဗုံးသီး (၈) လုံး

(၇) 60 MM ဗုံးသီး (၁၄) လုံး

(၈) 40 MM ဗုံးသီး (၃၄) လုံး

(၉) Energa အီနာဂါ (၃၇) လုံး နှင့်၎င်း၏ပို့ကျည် (၂၃) တောင့်

(၁၀) RPG-7 ဗုံးသီး (၂၁) လုံး

(၁၁) RPG-7 ပို့ကျည် (၁၇) ခု

(၁၂) လက်ပစ်ဗုံး (၂၀) လုံး

(၁၃) နင်းမိုင်း (၁၆) လုံး

(၁၄) လက်နက်ငယ်ကျည် (၄၃၅၀) တောင့်

(၁၅) လက်နက်ငယ်ကျည်ဘောက် (၂၈) ဘောက်

(၁၆) စနိုက်ဘာကျည်ဘောက် (၁) ဘောက်

(၁၇) စက်လတ်ကျည်ဘောက် (၁) ဘောက်

(၁၈) စကားပြောစက်ကြီး (၂) လုံး

(၁၉) RT စက် (၂) လုံး

(၂၀) ဘက်ထရီအိုး (၂) လုံး

(၂၁) Solar ဆိုလာ (၃) ချပ်

(၂၂) ခေါက်ချိုးဆိုလာ Solar (၁) ခု

(၂၃) Android /CDMA ဖုန်းစုစုပေါင်း(၈) လုံး

(၂၄) တပ်မ(၅၅) ဘက်တံဆိပ်ပါယူနီဖောင်း (၁၈) စုံ

(၂၅) မြေပုံ (၁) ချပ်

(၂၆) ဂဏန်းပေါင်းစက် Calculator (၁) ခု

(၂၇) လျှပ်စစ်နှင့်ဆက်စပ်ပစ္စည်းအချို့

(၂၈) ဆေးဝါးပစ္စည်းအချို့

(၂၉) စောင် (၁၇) ထည်

(၃၀) ရုံးသုံးစာရွက်၊စာတမ်း၊ မှတ်တမ်း( ၁) အိတ်

(၃၁) စားနပ်ရိက္ခာအချို့၊

(၃၂)စစ်သုံးကျောပိုးအိတ်၊ဟန်ကော၊အိုး၊ဓာတ်ခဲအပါအဝင်အခြားသောအထွေထွေပစ္စည်းအချို့ကိုသိမ်းဆည်းရခဲ့သည်။

သိမ်းဆည်းရမိသော ပစ္စည်းများတွင် ရဲယူနီဖောင်း(အင်္ကျီတစ်ထည်)၊ ရဲအရာရှိအပွင့်(၂) ပွင့်ပါ ဘားတစ်ခု၊ ရဲနှင့်ဆက်စပ်ပစ္စည်းအချို့ကိုထပ်မံသိမ်းဆည်းရမိခဲ့သည်။ထို့အပြင်တိုက်ပွဲအတွင်း၌အသက်မသေသေးပဲလည်ပင်းကိုကျည်ဖောက်ပြီးပြင်းထန်သောဒဏ်ရာရနေသောခလရ(၃)၏သုံ့ပန်းတစ်ဦးကိုဖမ်းဆီးရမိပြီးနောက်မိမိတို့ဆေးတပ်ဖွဲ့ဝင်များမှနိုင်ငံတကာသုံ့ပန်းဥပဒေနှင့်အညီမိမိတို့တွင်ပါလာသောဆေးဝါးများဖြင့်အတတ်နိုင်ဆုံးကုသပေးနေသည်။သို့သော်သေနတ်ဒဏ်ရာပြင်းထန်စွာရရှိနေသော၎င်းသုံ့ပန်း၏အသက်ရှင်သန်ရေးမှာ ခက်ခဲနေပေလိမ့်မည်။

သုံ့ပန်းဖြစ်သူ၏စစ်ဆေးထွက်ဆိုချက်အရလည်းခလရ(၃)နှင့်အတူရဲတပ်ဖွဲ့ဝင်(၅)ဦးပါလာခဲ့ပြီးတိုက်ပွဲအတွင်းတစ်ချို့ကျဆုံး၊တစ်ချို့ဒဏ်ရာရနေကြောင်းထပ်မံသိရှိရသည်။အဆိုပါရဲများသည်ရခိုင်ရွာများကိုဝင်ရောက်ပိတ်ဆို့ဝိုင်းရံစဉ်ကာလများအတွင်း၌"ဥပဒေနှင့်အညီ" "နယ်မြေရှင်းလင်းရေး"ဟူသောခေါင်းစဉ်အောက်တွင် လက်တလုံးခြားအသုံးချပြီးရွာသူရွာသားများကိုပုဒ်မအမျိုးမျိုးတပ်ကာဖမ်းဆီးခြင်း၊နှိပ်စက်ခြင်း၊သတ်ဖြတ်ခြင်း၊ အစုလိုက်အပုံလိုက်သတ်ဖြတ်ခြင်း၊ ရွာသူရွာသားများပိုင်ပစ္စည်းများကို ခိုးယူခြင်း၊ လုယူစားသောက်ခြင်း၊ ဖျက်ဆီးခြင်းများကိုပြုလုပ်ကြပြီးစစ်ရာဇဝတ်မှုမျိုးစုံကိုကျူးလွန်နေကြသောစစ်ရာဇဝတ်ကောင်မြန်မာ့တပ်မတော်အားတိုက်ရိုက်တစ်မျိုး၊သွယ်ဝိုက်တစ်ဖုံ အားပေးကူညီခဲ့ကြသူများလည်းဖြစ်သည်။

ရက္ခိုင့်တပ်တော်၊ကွန်မန်ဒိုများ၏ယနေ့ထိုးစစ်အတွင်းမိမိတို့ဖက်မှစစ်သည်တော်(၃)ဦးအာရက္ခတိုင်းပြည်နှင့်ရခိုင်လူမျိုးများတွက်အသက်ပေးဆပ်စွန့်လွှတ်ခဲ့ရပြီး အသေးစားနှင့်အလတ်စားဒဏ်ရာရသူစုစုပေါင်း(၄) ဦးအထိရှိခဲ့သည်။တိုက်ပွဲအတွင်းသတ္တိပြောင်မြောက်စွာတိုက်ပွဲဝင်ခဲ့သောရက္ခိုင့်တပ်တော်၊စစ်သည်တော်များအား မှတ်တမ်းတင်ဂုဏ်ပြုအပ်ပါသည်။

ရန်သူ၏တပ်မ(၅၅) လက်အောက်ခံ၊ ကလောမြို့အခြေစိုက်၊ခလရ(၃) မှ ထိခိုက်+ကျဆုံး) (၄၀) ကျော်အထိရှိခဲ့သည်။(မျက်မြင်အရရန်သူ့ဖက်မှသေဆုံးသူ၁၅ဦး)ရန်သူ့ဖက်မှလက်နက်ကြီးပစ်ကူများကိုမြောက်ဦးအပါအဝင်တိုက်ပွဲ၏တစ်ဖက်ကမ်း(လေးမြို့မြစ်)မှပစ်ခတ်တိုက်ခိုက်မှုများ၊အပြန်အလှန်ပစ်ခတ်တိုက်ခိုက်မှုများမှာတစ်ညလုံးနီးပါးရှိနေခဲ့သည်။

ဇွန်လ(၃)ရက်နေ့၊နံနက်(၅)နာရီခန့်မှစတင်ပြီးအထိနာပြီးဆုတ်ခွာထွက်ပြေးနေကြသည့်ရန်သူများအားရက္ခိုင့်တပ်တော်၊ကွန်မန်ဒိုများမှလိုက်လံရှင်းလင်းလျှက်ရှိပြီးလက်နက်ခဲယမ်းပစ္စည်းအချို့ထပ်မံသိမ်းဆည်းရမိထားသည်။

မေလ(၃) ရက်၊ နံနက်(၇) နာရီ (၁၀) မိနစ်ခန့်မှစတင်ပြီး မင်းပြားမြို့နယ်၊ "ဘိတ်တောင်" နှင့် "စပါးထားရွာ" အကြားတွင် စစ်ကူတက်လာသော မြန်မာ့တပ်မတော်နှင့် ရက္ခိုင့်တပ်တော်တို့ ထိတွေ့မှုဖြစ်ပွားခဲ့သည်။ သုံးနာရီကျော်ကြာအပြန်အလှန်ထိတွေ့တိုက်ခိုက်မှုထဲတွင်လည်း မြန်မာ့တပ်မတော်ဖက်မှ ထိခိုက်+ကျဆုံး (၁၀)ဦးနီးပါးထပ်မံရှိခဲ့သည်။(ရန်သူမျက်မြင်(၄)ဦးသေဆုံး၊မိမိတို့ဖက်မှအသေးစားဒဏ်ရာရသူတစ်ဦးမှလွဲ၍ အထိအခိုက်အကျအဆုံးမရှိခဲ့ပါ။

တိုက်ပွဲနောက်ဆက်တွဲသတင်းများကို အချိန်နှင့်တပြေးညီဆက်လက်တင်ပေးသွားပါမည်။

သတင်းနှင့်ပြန်ကြားရေး

ရက္ခိုင့်တပ်တော်