၂၀၁၉ ခုနှစ်၊ သြဂုတ်လ(၉) ရက်မှ (၁၄)ရက်နေ့အထိရခိုင်ပြည်တိုက်ပွဲသတင်းများ

၂၀၁၉ ခုနှစ်၊ သြဂုတ်လ(၉) ရက် နေ့မှစတင်ပြီး ပလက်ဝမြို့နယ်၊ “ပွီးချောင်းဝရွာ”အနောက်တောင်ဖက်(၂.၄) ကီလိုမီတာအကွာအဝေးရှိတောင်တန်းပေါ်တွင်တိုက်ပွဲစတင်ဖြစ်ပွားခဲ့သည်။ ရန်သူသည်မိမိတို့ရှိရာနေရာသို့ဝင်ရောက်လာသောကြောင့်တိုက်ပွဲဖြစ်ပွားခဲ့သော်လည်း ထိုးစစ်ကိုကြီးကြီးမားမားပြုလုပ်ခြင်းမရှိခဲ့သောကြောင့်လေးရက်တာကာလအတွင်း၌တိုက်ပွဲများပြင်းထန်ခြင်းမရှိခဲ့ပါ။

သို့သော်လည်း ရန်သူသည် မိမိတို့ရှိရာနေရာသို့ ထိုးစစ်ဆင်တိုက်ခိုက်ရန်ကြိုးစားသော်လည်း မိမိတို့အနေဖြင့်အကောင်းဆုံးခုခံကာကွယ်ထားနိုင်ခဲ့သည်။ ထို့နောက်ရန်သူသည် နာရီဝက်ခန့်ထိုးစစ်ပြုလိုက်၊ ပြန်ဆုတ်လိုက်၊ လက်နက်ကြီးများဖြင့်ပစ်လိုက် ပြုလုပ်နေခဲ့သည်မှာ (၄)ရက်ခန့်ရှိပြီဖြစ်သည်။ အချို့ရက်များတွင် ရန်သူသည်နာရီဝက်ခန့်သုံးကြိမ်တိုင်အောင်ထိုးစစ်ဆင်တိုက်ခိုက်ခဲ့သည်။

အင်အား(၄၀၀) ခန့်ရှိသောရန်သူသည် မိမိတို့အား(၄) ရက်တာကာလသွေးတိုးစမ်း-ထိုးစစ်ဆင်မှုပြုလုပ်အပြီးတွင် အနည်းဆုံး(၂၀) ဦးခန့်ကျဆုံးထားပြီးဖြစ်သည်။ မိမိတို့ဖက်မှလည်း အလတ်စားဒဏ်ရာရသူအနည်းငယ်မှလွဲ၍ ကြီးမားသောထိခိုက်မှုမရှိခဲ့ပါ။ နောက်နေ့ရက်များတွင်ရန်သူ့ဖက်မှ ကြီးမားသောထိုးစစ်များကိုယခုထက်ပိုမိုပြုလုပ်လာပါက တိုက်ပွဲများပိုမိုပြင်းထန်လာအုံးမည်။မိမိတို့အနေဖြင့် ဗမာလူမျိုးရေးအစွန်းရောက်စစ်ရာဇဝတ်တပ်၏ထိုးစစ်ကိုအကောင်းဆုံးဆက်လက်ရင်ဆိုင်တုံ့ပြန်သွားမည်။

၂၀၁၉ ခုနှစ်၊ သြဂုတ်လ(၁၃) ရက်၊ နေ့လည်(၂) နာရီ(၃၀) မိနစ်တွင် ရခိုင်ပြည်၊ ပုဏ္ဏားကျွန်းမြို့နယ်၊"အထက်မြတ်လှဲရွာ"အနောက်မြောက်ဖက်(၂) ကီလိုမီတာအကွာအဝေးရှိတောင်တန်းပေါ်တွင်လည်း မြန်မာစစ်တပ်သည် မိမိတို့ရှိရာနေရာသို့ကျူးကျော်ဝင်ရောက်လာသောကြောင့်တိုက်ပွဲဖြစ်ပွားခဲ့သည်။မိနစ်(၂၀) ခန့်အပြန်အလှန်ပစ်ခတ်တိုက်ခိုက်မှုအတွင်း အင်အား(၁၈၀) ခန့်ရှိသော ရန်သူ့စစ်ကြောင်းမှ မျက်မြင်(၄) အပါအဝင်(၇) ဦးခန့်ဒဏ်ရာရရှိသွားခဲ့သည်။ ထို့နောက် ရန်သူသည် တပ်ဆုတ်သွားပြီး အဝေးမှလက်နက်ကြီး၊ လက်နက်ငယ်များဖြင့်သာရမ်းသန်းပစ်ခတ်တိုက်ခိုက်နေခဲ့သည်။

ယခုနောက်ပိုင်းတွင် ရန်သူသည် အထိအခိုက်၊အကျအဆုံးများသောကြောင့် တိုက်ပွဲဖြစ်ပွားပြီဆိုလျှင် ရှေ့ဆက်မတိုးတော့ဘဲ နောက်ဆုတ်ကာ ရှောင်ထွက်သွားသည်ကပိုများလာသည်ကိုတွေ့ရှိရသည်။ ထို့အပြင် တိုက်ရည်ခိုက်ရည်စိတ်မရှိတော့ခြင်း၊ တပ်ပြေးများပိုများနေခြင်း၊ စိတ်ဓာတ်ကျဆင်းနေခြင်း အကြောင်းတရားများကလည်း တိုက်ပွဲတွင် အကျအဆုံးပိုများလာခြင်းဖြစ်လိမ့်မည်။

မြန်မာစစ်တပ်ထဲရှိ ရခိုင်လူမျိုးအရာရှိတစ်ဦး၏ အမျိုးသားရေးအသိတရားဖြင့်သတင်းပေးပို့မှုအရ သြဂုတ်လ(၁၄) ရက်၊ နေ့လည်(၁၂) နာရီ(၂၅) မိနစ်အချိန်တွင် မင်းပြားမြို့နယ်၊ "နရမ်းရွာ" နှင့်" ကံရွာ" အကြား( နရမ်းလမ်းခွဆုံ) တွင် စစ်ပစ္စည်းများကိုသယ်ဆောင်လာသည့် စစ်ကားတန်းကို ဟန့်တားတိုက်ခိုက်ခဲ့သည်။ စစ်ကား(၅) စီးပါယာဉ်တန်းမှ စစ်ကား (၂) စီးတွင်ပါရှိသူများအားလုံးနီးပါးကိုသုတ်သင်ရှင်းလင်းနိုင်ခဲ့သည်။ စစ်ကားတစ်စီးလျှင် ခန့်မှန်း(၂၀) မှ(၂၅) ဦးအထိပါရှိသောကြောင့် ယနေ့တိုက်ခိုက်မှုအတွင်းရန်သူအနည်းဆုံး(၃၀) ဦးအထက်သေဆုံးကြောင်းသိရှိရသည်။ ကျန်သောစစ်ကား(၃) စီးပေါ်မှရန်သူသည် ကြောက်လန့်စွာဖြင့် တစ်နာရီခန့်နေရာအနှံ့ရမ်းသန်းပစ်ခတ်တိုက်ခိုက်နေခဲ့သည်။

ရခိုင်ဒေသအတွင်းတိုက်ပွဲများမှာဆက်လက်ပြင်းထန်နေခဲ့ပြီးတိုက်ပွဲအရှိန်မှာလည်းတစ်ရက်ထက်တစ်ရက်ဆက်လက်မြင့်တက်လျှက်ရှိသည်။

သြဂုတ်(၉) ရက်မှ (၁၄) ရက်အတွင်း ပလက်ဝ၊ ပုဏ္ဏားကျွန်း၊ မင်းပြားမြို့နယ်တွင်ဖြစ်ပွားခဲ့သောတိုက်ပွဲများအတွင်း မြန်မာစစ်တပ်ဖက်မှအနည်းဆုံး(၅၀) ဦးခန့်သေဆုံးခဲ့ပြီး ဒဏ်ရာရသူများလည်းထပ်မံရှိခဲ့သည်။ မိမိတို့ဖက်မှ အကျအဆုံးမရှိသော်လည်း အလတ်စားဒဏ်ရာရသူအချို့ရှိခဲ့သည်။

မြန်မာစစ်တပ်သည် စစ်အင်အား၊ လက်နက်အင်အားကို ရခိုင်ဒေသအတွင်း ထပ်မံတိုးဖြည့်နေသောကြောင့် တိုက်ပွဲများမှာ ဆက်လက်ပြင်းထန်လာမည့်ပုံပေါက်နေသည်။ မိမိတို့အနေဖြင့်လည်း မြန်မာစစ်တပ်၏မည်သည့်ထိုးစစ်ကိုမဆို အကောင်းဆုံးခုခံတုံ့ပြန်သွားမည်။

သတင်းနှင့်ပြန်ကြားရေး ရက္ခိုင့်တပ်တော်