၂၀၁၉ ခုနှစ်၊ ဇွန်လ(၂၃) ရက်နေ့၊နံနက်(၈) နာရီခန့်တွင် မြန်မာ့တပ်မတော်၏ အင်အား(၁၀၀) ခန့်ရှိသောစစ်ကြောင်းတစ်ခုအားမြောက်ဦးမြို့နယ်၊ကျောက်ကျပ်ရွာအရှေ့မြောက်ဖက်(၁.၅)ကီလိုမီတာအကွာအဝေး၊"ဂါရာတောင်"ဆည်အနီးတောင်တန်းတွင်ရက္ခိုင့်တပ်တော်၊ကွန်မန်ဒိုများမှကြားဖြတ်တိုက်ခိုက်ခဲ့သည်။ အချိန်တိုတိုအတွင်း ရန်သူ(၂၀) ကျော်အားသုတ်သင်ရှင်းလင်းနိုင်ခဲ့သည်။ ထို့နောက်တွင် မြန်မာ့တပ်မတော်သည် လက်နက်ကြီးများကို တစ်နေ့လုံးနီးပါးတောက်လျှောက်ပစ်ခတ်တိုက်ခိုက်ခဲ့သည်။
ထို့အပြင်ဇွန်လ(၂၃)ရက်နေ့တွင်မင်းပြားမြို့နယ်၊ရွှေကျင်ရွာ၊အရှေ့ဖက်(၆)ကီလိုမီတာအကွာအဝေးရှိတောင်တန်းပေါ်၌ရန်သူသည်ထိုးစစ်ဆင်တိုက်ခိုက်မှုကိုပြန်လည်ပြုလုပ်ခဲ့သောကြောင့်တိုက်ပွဲများဆက်လက်ဖြစ်ပွားခဲ့သည်။ ညနေ(၄) နာရီ (၄၈) မိနစ်မှ (၅) နာရီနီးပါးအထိ ရန်သူသည် ရဟတ်ယာဉ်(၂) စီးဖြင့်လာရောက်ပစ်ခတ်တိုက်ခိုက်ခဲ့သည်။အထိအခိုက်အကျအဆုံးများကိုမသိရသေးပါ။တိုက်ပွဲနောက်ဆက်တွဲသတင်းများကို ဆက်လက်တင်ပေးသွားပါမည်။
သတင်းနှင့်ပြန်ကြားရေး ရက္ခိုင့်တပ်တော်
Comments